Monday, December 31, 2018
2019 : માત્ર તારીખ બદલાઈ છે, જીવન તો આમ જ ચાલશે...!!!
Thursday, December 27, 2018
સંબંધની પીડા
Sunday, December 2, 2018
પોલીસના ઘરમાં ચોરી અને ચોર કોણ ??
ચૂંટણી નજીક આવે એટલે સરકારી આંકડા પર વધુ રોજગારી દેખાડવાના હેતુથી દર રવિવારે યુવાનોનું ભાવિ દાવ પર લાગે. જેના માટે કેટલાક મહેનતુ યુવાન પોતાના લાંબા સમયથી જોયેલાં સપનાં પૂર્ણ કરવા તે સ્પર્ધાત્મક પરીક્ષામાં ભાગ લેવા માટે પહોંચી જાય પણ...
અગાઉ તલાટી
પછી TAT
અને હવે લોકરક્ષક એટલે કોન્સ્ટેબલ
પરીક્ષાના નામ પર વિદ્યાર્થીઓ સાથે ચેડા અને કેટલાંક વણ ઉકેલાયેલા પ્રશ્નો...
ચાલો આરોપબાજી તો ચાલશે જ પણ કોઈ એ ન ભૂલે હાલ દેશમાં 'ગુજરાત વિકાસ મૉડેલ' છે.
અને 8,76,356 ઉમેદવારો પરીક્ષા આપવના હતા તેમની શું ભૂલ ?
સરકાર તપાસ કરશે અને પરીક્ષા પણ પાછી લેવામાં આવશે અને વિદ્યાર્થીઓની આજે થયેલી હડમારીનો મુખ્ય મુદ્દો ક્યાંક ભુલાઈ જશે.
રાજ્ય સરકારને એક જ સવાલ દર વખતે કેમ વિદ્યાર્થીઓને જ નિરાશા મળે છે?
અગાઉ જ્યારે પણ આ પ્રકારની ઘટના બની છે સરકારે તપાસના આદેશ આપ્યા છે અને કડક પગલાં લેવામાં આવશે તેવી વાત કરી છે પણ ક્યાં અને કેટલાં કડક પગલાં લેવામાં આવ્યા છે?
વિદ્યાર્થીઓ પરીક્ષામાં ગેરરીતી ન આચરે તે માટે CCTV અને બાયોમેટ્રિક સીસ્ટમ ગોઠવવામાં આવે છે પણ પેપર લીક ન થાય તે માટે કેમ કોઈ વ્યવસ્થા ન કરવામાં આવે?
એટલે ફરી એક સવાલ જ્યારે પણ આ પ્રકારની સ્થિતિ સર્જાઈ ત્યારે મોટી મોટી વાતો કરવામાં આવે અરે online પરીક્ષા લેવામાં આવશે એવું પણ કહેવામાં આવે અને અંતે ફરી કોઈ કૌભાંડ અને અંતે કોર્ટ કેસ અને વાત પૂર્ણ.
પરીક્ષા આપવા ગયેલા નવ યુવાન દોસ્તોને એટલું જ કહીશ કે, આ સમય પણ વીતી જશે. તમારી મેહનત આડે ન જાય.
Sunday, November 4, 2018
કોને ખબર હતી...
કોને ખબર હતી...
સપના પૂરા કરવા માટે ઘરથી નીકળ્યા હતાં,
કોને ખબર હતી કે ઘરે જવું જ એક સપનું બની જશે.
કંઈક નવું મેળવવા માટે ઘરથી નીકળ્યા હતા,
કોને ખબર હતી કે દુનિયા જીતી લઈશું પણ ઘર જ હારી જઈશું.
માતાની કેટલીય માનતાઓ પછી દીકરાને નોકરી લાગી,
કોને ખબર હતી કે દિવાળી મનાવવા માટે એજ ઘરે ન આવી શકશે...
©પાર્થની નવરાશ
Monday, August 20, 2018
God's own country ની દુર્દશા માટે જવાબદાર કોણ?
Saturday, August 11, 2018
અમદાવાદમાં દબાણ હટાવો એક દુરદર્શીતા
હાલમાં અમદાવાદ શહેરમાં પોલીસ અને amc કમિશ્નર તરફથી શહેરના રસ્તાઓ પર રહેલા ગેરકાયદેસર બાંધકામને હટાવવાની ઝુંબેશ હાથ ધરવામાં આવી છે. આ સમયે બાળપણમાં નાનો હતો ત્યારે, આશરે 7 કે 8 વર્ષની ઉંમરમાં સુરતમાં આ પ્રક્રિયા ચાલી રહી હતી એ ઘટના યાદ આવી ગઈ છે.
વાત 1995 આસપાસની છે તે સમયે સુરતના વિવિધ સ્થાનો પર ડિમોલિશનની કામગીરી ચાલી હતી તેમાં પણ કહેવાતા રાજમાર્ગ એટલે કે ચોક ચાર રસ્તાથી ભાગળ ચાર રસ્તા સુધીના માર્ગ પર વિશેષ કામગીરી હતી. આ સ્થળો પર આવેલી દુકાનો પર દબાણ હટાવવા માટે તે સમયના સુરતના SMC કમિશ્નર એસ આર રાવ અને પોલીસ કમિશ્નર પી સી પાંડે દ્વારા જોરદાર કવાયત હાથ ધરવામાં આવી હતી. કામગીરી એટલી અદભુત હતી કે લોકો આ બંને જાંબાઝ ઓફિસરને જોવા માટે ડિમોલિશનના સ્થળો પર દોડી આવતાં હતા, હું પણ તેમનો એક હતો. તે સમયે ખબર નહીં હતી કે સુપર હીરો આજ લોકો છે, જે લોકોની તકલીફ દૂર કરવાનુ કામ કરે છે.
જો વાત કામગીરીની કરવામાં આવે તો આજના ખુબસુરત સુરતની પહેલી ઈંટ આ સમયગાળા દરમિયાન જ મુકવામાં આવી હતી. શહેરના લગભગ દરેક સ્થળો પર દબાણ હટાવવામાં આવ્યા હતા. શું મંદિર, શું મસ્જિદ કે શું શાળા કે મોટી પ્રખ્યાત હોટલ કે મોટા શૉરૂમ તમામને એક જ લાકડીએ હાંકી કાઢ્યા હતા અને શહેરના માર્ગો વિસ્તારવાનું કામ આબેહૂબ કર્યું હતું.
મને એક બે કિસ્સા યાદ છે જે કદાચ સુરતના ઘણાં લોકોને યાદ હશે જ કે સુરતના ભાગળ ચાર રસ્તા પર મુસ્લિમ સમુદાયની મસ્જિદ આવી છે અને તે રસ્તામાં ઘણી જ અડચણ રૂપ હતી પણ બંને અધિકારો તેને માન ભેર હટાવવા માંગતા હતા. પણ ઉલટાનું મસ્જિદના મૌલા દ્વારા જ સામેથી સહકાર આપવામાં આવ્યો અને મસ્જિદને શાંતિથી હટાવવામાં આવી. ધાર્મિક સ્થાનોને પણ એટલું જ માન અને આદર મળ્યું છે અને જે રીતે ખોટાં બાંધકામ થયાં હતા એમને પૂરતો દંડ અને ડિમોલિશન મળ્યું છે.
આજે 20 વર્ષ પછી હું અમદાવાદમાં છું અને ત્યારે ફરી બે જાંબાઝ ઓફિસર, AMC કમિશ્નર વિજય નેહરા અને પોલીસ કમિશ્નર એ કે સિંહ દ્વારા શહેરના ટ્રાફિકની સમસ્યા માટે મોટું ઝુંબેશ હાથ ધરવામાં આવ્યું છે. જે આગામી સમયમાં શહેર માટે ખરેખર યાદગાર અને લાભદાયક બનશે.(જો તેમની બદલી ના થઈ તો ?) કોઈ પણ શહેરના નિર્માણ માટે યોગ્ય પ્લાનિંગ અને નિષ્ઠાવાન અધિકારીઓની જરૂર હોય છે. અને અમદાવાદ જેવાં મેટ્રો સિટીને બંને એક સાથે મળ્યા છે. જેનો લાભ શહેરના લોકોને જ મળવાનો છે. આશા રાખીએ કે રાજકારણને બાજુમાં રાખી શહેરના વિકાસને નવી દિશા મળે જેથી અમદાવાદ અદ્ભૂત બની રહે....
સુરતને ખુબસુરત બનાવવાની ખોટી દોડ
આજે અમદાવાદ શહેરમાં દબાણ હટાવવાનું કામ જે ઝડપથી અને જે પ્લાનિંગ સાથે થઈ રહ્યું છે તે જોતા આગામી સમયમાં લોકો અમદાવાદની નેહરા અને સિંહ ની જોડીને ચોક્કસ યાદ કરશે. શહેરના લગભગ તમામ સ્થાનો પર દબાણ હટાવવાની ઝુંબેશ પુર જોશથી ચાલી રહી છે. તમામ શોપિંગ કોમ્પ્લેક્ષની બહાર યોગ્ય પાર્કિંગની વ્યવસ્થા માટેની સૂચના આપવામાં આવી રહી છે. તો amc તરફથી હવે નવા મલ્ટી લેયર પાર્કિંગ ઉભા કરવાની વિચારણા હાથ ધરવામાં આવી છે.(જે સુરતમાં ઘણાં અંશે સુપર હિટ રહ્યું છે)
આ દબાણ હટાવવાની ક્રિયા વચ્ચે સુરત અવાનું થયું ત્યારે મારી નજર શહેરમાં બ્યુટીફીકેશનના નામે નવી બનવેલી ફૂટપાથ પર પડી. સુરતમાં અડાજણ, ઘોડદોડ રોડ, વરાછા, પીપલોદ સહિત ઘણાં સ્થાનો પર બસ સ્ટેશનની સાથે નવી ફૂટપાથ બનાવવમાં આવી રહી છે. જો કે સુરતવાસીઓને યાદ જ હશે કે અગાઉ smc, સુરત માનપા દ્વારા ઝીરો ફૂટપાથ હેઠળ જાહેર માર્ગો પરથી તેને તોડવામાં આવી હતી અને હવે બ્યુટીફીકેશનના નામ પર નવી બનાવવામાં આવી રહી છે. સરસ સુરતીઓ એમ પણ ટેક્સ ભરવામાં અવ્વલ જ છે તો છો ને પૈસાનો વ્યય થતો.
ચાલો સ્માર્ટ સીટી માટે એ જરૂરી હશે પણ લોકોને હાલાકીનો સામનો કરવો પડે તે સ્થિતિમાં કેટલું યોગ્ય છે તે આગામી સમયમાં ખબર પડશે જ. અમુક સ્થાનો પર રસ્તા નાના છે અને ત્યાં આ પ્રકારની ફૂટપાથ ક્યાં પ્રકારની દુરદર્શિતા છે તે સમજાતી નથી. જો પ્રસાશન એમ માનતું હોય કે ટ્રાફિક ન થાય તો એ તેમને આગામી સમયમાં ચોક્કસ ખબર પડશે જ. કેમકે જે સરદાર બ્રિજને 15 વર્ષ પહેલાં નવો બનવવાની વાત કરવમાં આવી હતી ત્યાં આજે વધારેના પંખીયા જોડવામાં આવી રહ્યા છે અને તેમાં પણ સ્લેબમાં ગાબડાં પાડવાનો દોર ચાલું જ છે.
અમદાવાદ જેવાં જુના શહેરમાં જયારે BRTS બસની સેવા શરૂ થઈ ત્યારે ત્યાંના નેરો રોડના કારણે લોકોનો ઘણો વિરોધ હતો પણ સમય જતાં લોકોએ BRTS નો વપરાશ વધુ કર્યો અને હાલમાં હવે મેટ્રો આવી રહી છે ત્યારે તે પહેલાંજ શહેરમાંથી દબાણ દૂર કરવામાં આવી રહ્યું છે.
હવે તો સુરતના લોકો એ જ તંત્રને બ્યુટીફીકેશનના નામે કોની સુંદરતા વધી રહી છે તે સવાલ કરવો જોઈએ. બાકી આગામી સમયમાં ફરી સુરતમાં પણ દબાણ હટાવવો ઝુંબેશ શરૂ થાય તો નવાઈ નહીં...
Saturday, July 7, 2018
સાચાં મિત્રની સાચી ઓળખ
દુનિયાના દરેક માણસ પાસે એક એવું મોટું કબ્રસ્તાન હોવું જોઈએ, કે જેમાં એ પોતાના મિત્રોના દોષો દફનાવી શકે કેમકે એક મિત્ર એ એવી વ્યક્તિ છે કે જે તમારા હૃદયમાં ગુંજતા ગીત ને જાણે છે, અને એ ગીતને ત્યારે યાદ કરાવે છે જ્યારે તમે ગીતના શબ્દો ભુલી જાઓ છો...
પણ જ્યારે મિત્ર તમારી અંગત વાત દુનિયા સામે જાહેર કરવા લાગે ત્યારે સમજી લેજો કે તમે મિત્ર નહીં પરંતુ એક દુશ્મનને સાથે રાખ્યો છે. જે માત્ર તમારી કમજોરીને તાકાત નહીં પરંતુ મજાક બનાવમાં વધુ રસ રાખે છે. એ ખરેખર યોગ્ય છે?
એક વાત સમજવા જેવી છે કે, ભલે સંબંધ મિત્રતાનો હોય તો પણ તકલીફ બેમાંથી કોઈ ને પણ થાય અસર જરૂરથી બંનેની લાગણીઓ પર થાય છે... અને એજ ખરી મિત્રતા
જો કે અંગત રીતે એવું માનવું છે કે દરેક વ્યક્તિના જીવનમાં સૌથી સારો અથવા ક્યારેય સાથ ન છોડનાર મિત્ર એ એક પુસ્તક જ હોય છે. જે તમને દુઃખમાં તાકાત અને સુખમાં ધીરજ અને ધૈર્ય આપે છે. આ બંને જ જરૂરી છે. કેમકે અંધારો હોય તો અજવાળું થવાનું જ છે અને અજવાળું છે તો અંધારું થવાનું જ છે.
જો કે આ બંને જ સમયમાં ભલે તમારી સાથે ગમે તેટલા સારા મિત્ર હોય પણ અંતિમ લડાઈ તમારે એકલા એ જ લડવાની હોય છે. મિત્રતો માત્ર તમારી હિંમત જ હોય છે અને એ ઘણી વખત જીવનનું સૌથી મોટું પાસું બની જાય, નહીં...???